على طاري أحبك

من طرف **جريح المحبه** الخميس يناير 20, 2011 6:27 am

على طاري أحبك وعلى طاري أغليك
ترى غيبتــــــــك طالت وغاب اتصالك

ولا تحسب إني يوم أطنشك أنا مابيك
لا والله أبي قربك وكلــــــــــــــي حلالك

لاكن يا حبيبي أنت حيرت قلبي فيك
وفكرت ببـــــــــــــــــعد كود هذا جزالك

إثرني بعد ما أقفيت جاب السهر طاريك
وسألنــــــــــــــي بوجه الله حبيبك طرالك

ولديت صوبه قلت جعل العمى يعميك
وحسبــــــــــي عليك الله ذبحني سؤالك

هو ما درى إني بغالي العمر أنا شاريك
وهو مـــــــــا درى إن العمر كله فدالك

وهو ما درى إني بين خلق الله مهاويك
ولو طاب لـــــــــــــي وقتي فلابه بدالك

حبيبي ترفق بي عسى العين ما تبكيك
حبيبي ترفـــــــــــــق بي ولا لي سوالك

حبيبي تلطف بي ترى الحكم بين يديك
تلطف بقلبــــــــــــــن طول الأيام يصفالك

حبيبي ترى الفرقا شقا والزمن مغويك
جفيت وقسيت ومـــــــــا تكرمت بوصالك

مع إني لو أرجع لول الوقت من ماضيك
تصيح الجـــــــروح اللي بقلبي من أفعالك

كتبت الشعر مبطي وذلحين لجل أرضيك
وعطيتك حقيقة حبــــــــــــي اللي بيبقالك

وإذا كانك إخترت الرجوع الله يحييك
وإذا كان نيتـــــــــك البعاد إقطع حبالك

وأنا داري إنك لو تفارق ماني ناسيك
أبنحت خيالك وأحضنـــــــك وأقعد قبالك

وأشاكيك بدموع المحبه وهي تشكيك
وأحطك مابين يدي بشويش وأشتالك

يا (...) أنتي الدنيا وأنا لك ومنك وفيك
يا (...) أنتي اللي لي وأنا غاية آمالك

يا (...) لغلاتك جيت ساري لجل عينيك
مابي منك شي أبيــــــــك ترسم لي ظلالك

علشان لامن جيت عقب الليالي ذيك
أجي يم ظلك وأسأله وش هي أحوالك

وإذا كاااانك مصمل تبي خاتمة مغليك
تقدم وقل عندي ردودن على أقوالك

تقدم وقلــــــي يابن الأجواد أنا مابيك
تقدم وقلـــــــــــي ابتعد أحسن أشوالك